Tüfa chi chillka kelluntukualu pu che nüwkülelu ñi mapu mew, ñi troy mapu ka ñi falinke chemkün. Tüfa ta wepumalu chum inayal pu wünen ñi lof mew, chum nor amulaal ka faliluwal fill zungu mew wülüwaal (CLPI). kam Ti wirikan inangele kelluntukuay zoy küme llengeal fill nütram müleyele fill mapu mew, ingkawael pu che nüwkülelu mapu mu akufule ti pu che nielu rang. Ti wirikan azümküley femechi:- 1 troy feypiley chum azkunungen tüfa chi chillka, ka wepumay chumngechi kiñeke trokiñ che amulney tüfa chi norümzungu ñi troy mapu llemay, fey küme inangeyal tuchi nütram tripafule ka antü CLPI engu.- 2 troy feypiley chum Azkunuwken pu che nüwkülelu ñi mapu mew pepiluwael pu lof engün. Azümnieael kishu engün ñi nütram CLPI. Tüfa chi troy mu ka llumfeipiley küme kimngeal tiye chi trokiñ che küpa ngillalu chem rume kiñe lof mu, ka kimtukuleal chem küzaw inaken engün, chum kelluntual ñi rang mew. wülüwnual engün – 3 Troy feypiley ñi ayülen pu lof che chum azkunuwael engün tüfa amulechi xawun ka nütramkawun engu CLPI mu, ka kelluntukule tuchi kimlu norümzungu wingka püle, fey mu zoy newen kimkonafuy ta che wenuntual ñi zungun ingkayal ñi mapu akule pu che nielu rang.- 4 troy feypiley chum azkunuwael egün chem inayal pu che nüwkülelu mapu mew chumkunuwael afle ti ramtun CLPI zungu mew. Feypiley chumngechi ingkawael femman pile engün kiñe troy zungu mu ka chumkunuwael engün femlan pileengün chi troy zungu mu.